Azərbaycanlı UFC döyüşçüsü Rafael Fiziyev cərrahiyyə əməliyyatı olunub.
İdman.biz xəbər verir ki, idmançını özü bu barədə sosial şəbəkədə paylaşım edib.
İki həftə əvvəl Las-Veqasda Mateuş Qamrotla döyüşdə zədələnən təmsilçimizin əməliyyatı uğurlu alınıb: “Mən indicə sol dizimdəki ön çarpaz bağdan əməliyyat olundum. Üç il əvvəl də eyni yerdən zədələnmişdim. Əvvəlkindən daha güclü qayıdacağam. Bərpa indi başlayır. Dəstəyinizə görə hamınıza təşəkkür edirəm!”.
O, əməliyyatdan dərhal sonra xəstəxana otağından çəkilmiş qısa videonu da yayımlayıb.
Qeyd edək ki, sentyabrın 23-də Las-Veqasda keçirilən “UFC Fight Night 228” turnirinə başçılıq edən yüngül çəki dərəcələrinin yüksək səviyyəli idmançılarının döyüşü ikinci raundunda Fiziyev rəqibin zərbəsindən sonra zədələnmişdi. Hakimlərin qərarına əsasən Ataman ləqəbli idmançımız zədə almadan ilk raundda yekdil qərarla qalib gəlib. Qamrot zədəli rəqibini UFC yüngül çəki reytinqində altıncı yerdən kənarlaşdırıb. Bundan əlavə, polşalı oktyabrın 21-də Abu Dabidə “UFC 294”də keçiriləcək İslam Mahaçev və Çarlz Oliveyra arasında titul uğrunda döyüşün alternativ iştirakçısı kimi qeyd edilib.
İdman.biz
