Qarışıq döyüş sənətləri üzrə azərbaycanlı döyüşçü Asəf Çopurov Birləşmiş Ərəb Əmirliklərində (BƏƏ) keçirilən “UAE Warriors64” turnirində çempion olub.
İdman.Biz-in xəbərinə görə, bu barədə “MMA Azərbaycan” sosial şəbəkə səhifəsində məlumat yayılıb.
“Döyüşçümüz Asəf Çopurov “UAE Warriors64” turnirində rəqibi Demarta Penanı məğlub edərək yeni çempion oldu! Qeyd edək ki, Asəf 9 döyüş keçirib və hamısında qalib gəlib. UFC ilə müqavilə gəlir?”, – MMA Azərbaycan yazıb.
Qeyd edək ki, “UAE Warriors” Birləşmiş Ərəb Əmirliklərində keçirilən qarışıq döyüş sənətləri (MMA) turnirlərindən biridir.
Sözügedən yarış “UAE Warriors” adlı peşəkar MMA liqasının 64-cü tədbiridır. Turnirdə dünyanın müxtəlif ölkələrindən gələn döyüşçülər UFC, “Bellator”, “Brave” və digər təşkilatlarda iştirak etmiş idmançılarla birlikdə çıxış edirlər.
