İrina Zaretska və Asiman Qurbanlı Misirin paytaxtı Qahirədə keçirilən Dünya Karate Çempionatında dörddəbir finala yüksəliblər.
İdman.Biz-in məlumatına görə, hər iki idmançı qrup mərhələsini inamla keçərək 1/8 finala vəsiqə qazanaraq öz kateqoriyalarında ilk səkkizliyə daxil olublar.
Yarışın ikinci günündə Azərbaycanı Roman Heydərov (kata) və Turqut Həsənov (84 kq) da təmsil ediblər. Heydərov qrup mərhələsindən irəliləsə də, 1/8 finalda rəqibinə uduzub. Həsənov qrup mərhələsini keçə bilməyib.
