Çövkən milli oyunu üzrə “Prezident Kuboku”nda bürünc medalın sahibi müəyyənləşib.
İdman.biz xəbər verir ki, üçüncü yer uğrunda görüşdə “Omar” və “Sərhədçi Dilbaz” komandaları üz-üzə gəliblər.
Gərgin keçən görüşün əsas vaxtı 1:1 hesabı ilə yekunlaşıb. Tərəflər əlavə iki 5 dəqiqəlik hissədə mübarizə aparıblar və qələbə topunu vuran "Sərhədçi Dilbaz" bürünc medala sahib çıxıb.
Qeyd edək ki, “Prezident Kuboku”nun finalında "Polad" - "Sərhədçi-Qarabağ" qarşılaşması baş tutacaq.
Emin Ağa
İdman.biz
