Hokkey üzrə dünya çempionatının finalçıları bəlli olub.
İdman.biz xəbər verir ki, həlledici oyunda ABŞ və İsveçrə yığmaları üz-üzə gələcəklər.
Amerikalılar yarımfinalda meydan sahibləri İsveçi məğlub ediblər. ABŞ millisi 6:2 hesabı ilə qalib gəlib.
Mərhələnin digər matçı da məhsuldar alınıb. İsveçrə çempionatın sürprizi Danimarkanın qapısından 7 cavabsız top keçirib. "Saatlar ölkəsi" hokkeyçiləri ardıcıl ikinci mundialda finala yüksəliblər. Ötən il onlar qızıl uğrunda matçda Çexiyaya uduzmuşdular.
Qeyd edək ki, final görüşü sabah keçiriləcək.
Dünya çempionatı
1/2 final
24 may
İsveç - ABŞ - 2:6
İsveçrə - Danimarka - 7:0
İdman.biz
