Dənizkənarı Bulvarda “Gimnastika Hamı üçün” 2-ci beynəlxalq “Challenge” davam edir.
İdman.biz xəbər verir ki, bu gün gimnastikanın müxtəlif növləri üzrə master-klaslara start verilib.
Tədbirlər İdman Sarayının yaxınlığında və “Crystal Hall”da keçirilir. Axşam saatlarında isə iştirakçılar arasında qala-şou təşkil olunacaq.
“Gimnastika Hamı üçün” festivalında minə yaxın iştirakçı öz bacarığını nümayiş etdirir. Tədbirdə 4 ölkə və Azərbaycanın müxtəlif bölgələrindən 60-a yaxın komandanın üzvləri təmsil olunur.
İştirakçılar iki – 50 yaşadək və daha yuxarı kateqoriyaları üzrə çıxış edirlər. Məqsəd gimnastikanın insanlar arasında sağlam həyat tərzinə çevrilməsi və populyarlaşmasına nail olmaqdır.
İdman.biz
