İdman gimnastikası üzrə Olimpiya çempionu və SSRİ-nin əməkdar idman ustası Olqa Karaseva 76 yaşında vəfat edib.
İdman.Biz-in xəbərinə görə, bu barədə Rusiya Gimnastika Federasiyası Telegram kanalında məlumat yayıb.
“SSRİ-nin əməkdar idman ustası Olqa Dmitriyevna Karaseva (Xarlova) 76 yaşında vəfat edib”, - məlumatda deyilir.
Olqa Karaseva 1968-ci il Mexiko Olimpiadasında komanda yarışında qızıl medal qazanıb, 1970-ci ildə dünya çempionu, Avropa çempionatının medalçısı və dəfələrlə SSRİ çempionu olub.
Karyerasını bitirdikdən sonra SSRİ İdman Komitəsində beynəlxalq hakim, tərcüməçi və idman gimnastikası üzrə referent kimi çalışıb.
