“Qarabağ”ın qələbəsi Azərbaycanı UEFA reytinqində yüksəltdi

Azərbaycan UEFA reytinqində xallarını artırıb.

İdman.biz xəbər verir ki, bu, “Qarabağ”ın Çempionlar Liqasının Liqa mərhələsində “Benfika”nı məğlub etməsi sayəsində rəsmiləşib.

Azərbaycan çempionu Portuqaliya təmsilçisinə 3:2 hesabı ilə qalib gəlməklə ölkə reytinqinə 0,500 xal əlavə edib. Bununla da Azərbaycanın reytinqdəki xalı 21,500-ə yüksəlib və ölkəmiz Slovakiyanı 0,125 xal qabaqlayaraq 25-ci pilləni ələ keçirib.

Qeyd edək ki, reytinqə 95,450 xalla İngiltərə başçılıq edir.

İdman.biz