"Espanyol"un idman direktoru Fran Qaraqarza yay transfer pəncərəsi haqqında danışıb.
İdman.biz bildirir ki, o, İngiltərə Premyer Liqası ilə Avropanın digər top 5 liqası arasında xərclərdəki fərqi qeyd edib.
"Premyer Liqa digər dörd liqadan daha çox xərclədi. Nəsə düzgün edilmir: idarəetmə, maliyyə dayanıqlığı, məsrəflərin aşılması... bu, çox geniş sualdır və mən buna cavab verəcək ən yaxşı mütəxəssis deyiləm. Amma bu, məni La Liqada nəyinsə düzgün getmədiyini düşünməyə vadar edir", - Qaraqarza bildirib.
Xatırladaq ki, bu yay Premyer Liqa klubları transferlərə 3,6 milyard avro xərcləyib. Serie A, Bundesliqa, La Liga və Ligue 1 klubları ümumilikdə daha az, təxminən 3,4 milyard avro xərcləyiblər. Eyni zamanda, İspaniya çempionatının bir sıra klublarında mövsüm üçün futbolçuların qeydiyyatı ilə bağlı problemlər var.
İdman.biz
