Bu gün UEFA Çempionlar Liqasında pley-off mərhələsinin cavab görüşlərinə start veriləcək.
İdman.biz xəbər verir ki, ilk oyun günündə 3 matç keçiriləcək.
İlk qarşılaşma Qazaxıstanda baş tutacaq. Ardınca Kipr və Avstriyada da mərhələ adlayacaq klubların adlarına aydınlıq gələcək.
UEFA Çempionlar Liqası
Pley-off mərhələsi, cavab oyunları
26 avqust
20:45. "Kayrat Almatı" (Qazaxıstan) - "Seltik" (Şotlandiya)
İlk oyun - 0:0
23:00. "Pafos" (Kipr) - "Srvena Zvezda" (Serbiya)
İlk oyun - 2:1
23:00. "Şturm Qrats" (Avstriya) - "Budö Qlimt" (Norveç)
İlk oyun - 0:5
Qeyd edək ki, pley-off mərhələsinin daha 4 cavab görüşü avqustun 27-də keçiriləcək. "Qarabağ" Macarıstanda 3:1 hesabı ilə məğlub etdiyi "Ferentsvaroş"u Tofiq Bəhramov adına Respublika stadionunda qəbul edəcək.
İdman.biz
