İspaniya Futbolçular Assosiasiyası (AFE) Mayamidə keçiriləcək La Liqa matçına qarşı olduğunu açıqlayıb.
İdman.biz xəbər verir ki, AFE bununla bağlı İspaniyanın Kral Futbol Federasiyasına etiraz edib.
Bildirilib ki, federasiya heç vaxt oyunçularla məsləhətləşməyib və assosiasiyaya heç bir məlumat verməyiblər: "Bu, açıq-aşkar hörmətsizlikdir. Biz birik və hörmət və şəffaflıq tələb edirik"
La Liqa klublarının kapitanları - Ter Ştegen və Cerard Moreno da Futbolçular Assosiasiyasının “Vilyarreal” – “Barselona” matçının Mayamiyə köçürülməsi ilə bağlı əvvəlcədən məsləhətləşmələrin aparılmamasını pisləyən bəyanatı imzalayıblar.
Matçın ideyasının özü Assosiasiya tərəfindən alçaldıcı hesab edilib.
Qeyd edək ki, İspaniyanın Kral Futbol Federasiyası 17-ci turun “Vilyareal” – “Barselona” oyununun Mayamidə keçirilməsi barədə qərar qəbul edib.
İdman.biz
