Lionel Messinin çıxış etdiyi "İnter Mayami" MLS-in növbəti turunda səfərdə "Sinsinnati"yə 0:3 hesabı ilə uduzub.
İdman.biz xəbər verir ki, bununla argentinalı ulduzun ardıcıl beş oyun davam edən qol seriyası sona çatıb.
Messi MLS-də əvvəlki beş matçın hər birində dubla imza atmışdı.
"İnter Mayami"nin kapitanı cari mövsümdə 17 oyunda 16 qol vurub və 6 məhsuldar ötürmə edib.
Floroda təmsilçisinin MLS-dəki üç oyunluq qələbə seriyası da bu məğlubiyyətlə başa çatıb. Komanda hazırda Şərq Konfransında 38 xalla beşinci yerdə qərarlaşıb.
İdman.biz
