"Azərbaycan və Özbəkistan dünyanın ən yaxşı gənc futbolçularını qarşılamağa və bir araya gətirməyə hazırlaşır".
İdman.Biz xəbər verir ki, bu barədə FIFA prezidenti Canni İnfantino "Instagram" hesabında yazıb.
O, 2027-ci ildə keçiriləcək FIFA U-20 dünya çempionatının tarixlərini açıqlayaraq turnirin sentyabrın 17-dən oktyabrın 9-dək təşkil olunacağını bildirib.
“Böyük məmnuniyyətlə bildirirəm ki, 2027-ci il FIFA U-20 dünya çempionatı sentyabrın 17-dən oktyabrın 9-dək keçiriləcək! Azərbaycan və Özbəkistan dünyanın ən yaxşı gənc futbolçularını qarşılamağa və bir araya gətirməyə hazırlaşır. Hər kəsə uğurlar arzulayıram. Orada görüşənədək!” - deyə FIFA prezidenti yazıb.
Qeyd edək ki, tarixdə ilk dəfə təşkil olunan FIFA U-15 Dünya Çempionatı və Festivalının oyunları oktyabrın 24-də Bakıda başlayacaq və oktyabrın 30-da başa çatacaq. Azərbaycan millisi ilk görüşünü oktyabrın 24-də saat 19:30-da Bakı Kristal Zalında Timor-Leste yığmasına qarşı keçirəcək.
