Qadınlardan ibarət İspaniya millisinin futbolçusu Aitana Bonmati iyulun 2-də İsveçrədə start götürəcək Avropa çempionatını buraxa bilər.
İdman.biz xəbər verir ki, 2023 və 2024-cü illərdə qadın futbolunda “Qızıl top”u qazanmış 27 yaşlı yarımmüdafiəçi viruslu meningit diaqnozu ilə xəstəxanaya yerləşdirilib.
Qadınlar arasında hazırkı dünya çempionu İspaniya millisi Avropa çempionatında ilk oyununu iyulun 3-də Portuqaliyaya qarşı keçirəcək.
Bonmatinin turnirdə iştirak edib-etməyəcəyi və ya əvəzinə heyətə başqa futbolçunun daxil ediləcəyi hələlik məlum deyil.
İdman.biz
