“Milan” baş məşqçisi Serjio Konseysao ilə bağlı qərarını verib.
İdman.biz xəbər verir ki, portuqaliyalı mütəxəssis mövsümün sonunda postundan ayrılacaq.
O, 2024-cü ilin dekabrından “rossonyeri”yə rəhbərlik edir. Konseysao klubu ilə İtaliya Superkubokunu qazansa da, komandanın A seriyasında 8-ci pillədə qərarlaşması rəhbərliyi qane etmir.
Onunla yanaşı, Joao Feliks də komandadan ayrılacaq. Portuqaliyalı icarədən götürüldüyü “Çelsi”yə qayıdacaq.
Qeyd edək ki, Milanın eyniadlı təmsilçisi kubokun finalında “Bolonya”ya 0:1 hesabı ilə uduzub.
İdman.biz
