Minifutbol üzrə Azərbaycan millisi növbəti oyununu keçirib.
İdman.biz xəbər verir ki, yığmamız Bakıda keçirilən dünya çempionatının 1/4 final matçına çıxıb.
Elşad Quliyevin yetirmələri İngiltərə ilə görüşüb. Komandamız çətin qələbə qazanıb. Millimiz hesabı açsa da, fasilədən sonra ingilislər bərabərlik qolunu vurublar. Amma sona yaxın rəqibin müdafiədə anlaşılmazlığı yığmamıza 2:1 qələbə qazandırıb.
Qeyd edək ki, millimiz yarımfinalda Monteneqro ilə qarşılaşacaq. Görüş sabah baş tutacaq.
Minifutbol üzrə dünya çempionatı
1/4 final
29 may
20:30. İngiltərə - Azərbaycan - 1:2
Qollar: Bham Mussa, 35 - Təmkin Xəlilzadə, 14. Fitsgerald Sem, 48 (öz qapısına)
İdman.biz
