"Qalatasaray" "Mançester Siti"nin almaniyalı yarımmüdafiəçisi İlkay Gündoğanı transfer etməkdə maraqlıdır.
İdman.biz xəbər verir ki, bu barədə “Todofichajes” məlumat yayıb.
Türkiyə klubu artıq almaniyalı ulduzla danışıqlar aparıb. İstanbul klubu futbolçuya 2 illik müqavilə təklif edib.
İngiltərə nəhənginin Gündoğanın "Qalatasaray"a keçidinə mane olmayacağı bildirilir.
Qeyd edək ki, ötən yay "Mançester Siti"yə keçən İlkay Gündoğan bu mövsüm 27 oyun keçirib. Alman yarımmüdafiəçi 2 qol vurub və 1 məhsuldar ötürmə edib.
İdman.biz
