“Çelsi”nin futbolçusu Rahim Sterlinq Premyer Liqanın digər klubuna keçə bilər.
İdman.biz xəbər verir ki, hücumçu “Aston Villa”ya təklif olunub.
Birminhem klubunun baş məşqçisi Unay Emeri də forvardı komandasında görmək istəyir. İspan mütəxəssis Sterlinqin “Aston Villa”nın oyun sisteminə uyğun gəldiyini düşünür.
Qeyd edək ki, Rahim ötən mövsüm 43 oyunda 10 qol və 8 assistə imza atıb. Onun londonlularla müqaviləsi 2027-ci ilin yayında başa çatacaq.
İdman.biz
