“Qarabağ”: 2463 gündən sonra ilk dəfə

Zaqreb “Dinamo”su “Qarabağ”ı Çempionlar Liqasında böyük hesabla məğlub edən ikinci komanda olub.

İdman.biz xəbər verir ki, buna qədər ağdamlılar Çempionlar Liqasında yalnız 2017-2018-ci illər mövsümünün qrup mərhələsində iki dəfə “Çelsi”yə böyük hesabla məğlub olublar – 0:6, 0:4.

Komandamız 2017-ci il noyabrın 22-də də evdə Londonlulara 0:4 məğlub olduğu oyundan 2463 gündən sonra ən nüfuzlu qitə klub turnirində zaqreblilərdən ağır məğlubiyyət alıb.

Qurban Qurbanovun komandasının Çempionlar Liqasındakı 56 oyununda 24 qələbəsinin isə 9-u böyük hesablıdır.

Qeyd edək ki, “Dinamo” Zaqrebdə Çempionlar Liqasının ilk pley-off matçında “Qarabağ”a 3:0 hesabı ilə qalib gəlib.

İdman.biz