“Sabah” çətin rəqibdir.
İdman.Biz xəbər verir ki, bunu İngiltərənin “Mançester Yunayted”in baş məşqçisi Maykl Kerrik UEFA Çempionlar Liqasının ümumi mərhələsinin birinci turunda “Sabah”a qarşı keçirdikləri matçdan sonra mətbuat konfransında deyib.
Mütəxəssis qələbə qazandıqları görüşü şərh edib:
“Bu, bir qədər banal səslənə bilər, amma əlbəttə ki, əsas məqsədlərimizdən biri qələbə qazanmaq idi. Oyunda çoxlu müsbət məqamlar var idi. Xüsusilə də hücumdakı kombinasiyalarımız və hərəkətlərimiz çox uğurlu alınmışdı. Futbolumuzun ayrı-ayrı epizodları həqiqətən də yüksək səviyyədə idi. Müdafiədən hücuma keçidlərdə rəqib üçün ciddi təhlükə yaradırdıq, ümumilikdə isə matçın böyük hissəsində müdafiədə etibarlı oynadıq”.
O, həmçinin “Sabah”ın layiqli rəqib olduğunu vurğulayıb:
“Rəqibə də hörmətlə yanaşmalıyıq. “Sabah” həqiqətən də güclü komandadır. Onlar qısa ötürmələrlə yaxşı əməkdaşlıq edirlər və topu geri almaq üçün rəqibi yüksək templə işləməyə məcbur edirlər. Əslində, hesaba əsasən oyunun bizim üçün asan keçdiyi təsəvvürü yaranıb, lakin matç başdan-başa heç də asan olmadı. Buna baxmayaraq, hesab edirəm ki, bu axşam özümüzü ən yaxşı tərəfdən göstərdik və nəticədə haqlı qələbə qazandıq”.
Qeyd edək ki, “Mançester Yunayted” – “Sabah” matçı “qırmızı şeytanlar”ın 4:0 hesablı qələbəsi ilə başa çatıb.
