"Zirə"nin Konfrans Liqasının pley-offdakı rəqibi "Omoniya" bir futbolçu ilə yollarını ayırıb.
İdman.biz xəbər verir ki, Marqinyos Sipriano komandanı tərk edib.
Braziliyalı müdafiəçi karyerasını "Syon"da davam etdirəcək. O, İsveçrə klubu ilə 2026-ci ilin yayına kimi müqavilə bağlayıb. Sipriano ötən mövsümdə "Omoniya"nın heyətində 27 görüşdə 2 qolla yadda qalıb.
Qeyd edək ki, "Zirə" ilə "Omoniya" arasında ilk oyun avqustun 22-də Kiprdə, cavab matçı isə 1 həftə sonra Bakıda olacaq.
İdman.biz
