"Mançester Siti"nin Kevin De Bruynenin "Əl-İttihad"a keçidinə razılıq verdiyi xəbərləri dərc olunub.
İdman.biz xəbər verir ki, bu barədə Britaniyanın "Manchester Evening News" nəşri məlumat yayıb.
Məlumatda iki klub arasında transferlə bağlı danışıqlar aparıldığı bildirilib. 2015-ci ildən "Mançester Siti"də çıxış edən belçikalı yarımmüdafiəçinin komanda ilə 1 illik müqaviləsi var. "Şəhərlilər"in 33 yaşlı futbolçuya yeni müqavilə təklif edəcəyi deyilsə də, bu, hələlik təsdiqlənməyib.
Qeyd edək ki, Kevin arxada qalan 9 mövsümdə 382 matçda 102 qol vurub, 170 ötürmə verib.
İdman.biz
