Bu gün 21 yaşadək futbolçulardan ibarət Azərbaycan millisi Avropa çempionatının seçmə mərhələsində növbəti oyununu keçirəcək.
İdman.Biz xəbər verir ki, baş məşqçi Rəşad Eyyubovun rəhbərlik etdiyi komanda Bakıda Portuqaliya yığması ilə qarşılaşacaq.
“Palms Sports Arena”da baş tutacaq görüş saat 15:00-da başlayacaq.
Qeyd edək ki, Azərbaycanın U-21 millisi B qrupunda altı komanda arasında beş xalla beşinci pillədə qərarlaşıb. Portuqaliya 13 xalla liderdir.
