Azərbaycan Premyer Liqasında 25-ci tura yekun vurulub.
İdman.Biz xəbər verir ki, turun son oyunu “Turan Tovuz” və “Qəbələ” komandaları arasında keçirilib.
Mehdi Hüseynzadə adına Sumqayıt şəhər stadionunda təşkil olunan görüş Tovuz təmsilçisinin 3:2 hesablı qələbəsi ilə başa çatıb.
FIFA referisi Kamal Umudlunun idarə etdiyi matçda hesabı 3-cü dəqiqədə “canavarlar”ın müdafiəçisi Hayderson Hurtado açıb.
Qəbələ komandası 27-ci dəqiqədə Eşqin Əhmədovun qolu ilə hesabı bərabərləşdirib.
Hurtado 49-cu dəqiqədə dubl edərək klubunu önə keçirib. 10 dəqiqə sonra Joarlem Santos “Turan Tovuz”un üçüncü qolunu vurub.
Görüşün 90+7-ci dəqiqəsində isə “Qəbələ” rəqibin futbolçusu Roderik Millerin avtoqolu ilə fərqi minimuma endirib.
Bununla da turnir cədvəlinin üçüncü pilləsində qərarlaşan “Turan Tovuz” xallarının sayını 48-ə çatdırıb. “Qəbələ” 16 xalla 11-ci sıradadır.
Qeyd edək ki, turun digər oyunlarında “Araz-Naxçıvan” səfərdə “Şamaxı”nı, “Zirə” “Karvan-Yevlax”ı, “Kəpəz” isə evdə “Qarabağ”ı eyni - 1:0 hesabı ilə məğlub edib. Lider “Sabah” “Sumqayıt”ı 3:1, “Neftçi” isə “İmişli”ni 6:0 hesabı ilə üstələyib.
09:00
Bu gün futbol üzrə Misli Premyer Liqasının 25-ci turunun oyunu “Turan Tovuz” “Qəbələ” arasında baş tutacaq.
İdman.Biz xəbər verir ki, saat 16:00-da start götürəcək turun mərkəzi qarşılaşmasını Kamal Umudlu idarə edəcək.
“Turan Tovuz” 45 xalla turnir cədvəlinin üçüncüdür. 16 xala malik “Qəbələ” isə on birincidir.
Misli Premyer Liqası
Üçüncü Dövrə, 25-ci tur
21 mart
16:00. “Turan Tovuz” - “Qəbələ”
Hakimlər: Kamal Umudlu, Vüsal Məmmədov, Akif Əmirəli, Elçin Məsiyev.
VAR: Əliyar Ağayev.
AVAR: Nicat İsmayıllı.
Hakim-inspektor: Ceyhun Haşımov.
AFFA nümayəndəsi: Elçin Məmmədov.
Mehdi Hüseynzadə adına Sumqayıt şəhər stadionu
