"Turan Tovuz" Misli Premyer Liqasının 9-cu turunda səfərdə "Karvan-Yevlax"ı 2:1 hesabı ilə məğlub edib.
İdman.Biz xəbər verir ki, "Turan Tovuz"un baş məşqçisi Kurban Berdiyev matçdan sonra keçirilən mətbuat konfransında jurnalistlərin suallarını cavablandırıb.
Təcrübəli mütəxəssis oyunun çox çətin keçdiyini vurğulayıb: "Karvan-Yevlax" əks-hücumlarda təhlükəlidir. Onlardan biri qolla nəticələndi. Uşaqlara təşəkkür etmək istəyirəm, geridönüş edə bildilər".
- Komandanın oyunu sizi qane etdi?
- Tam olaraq yox. Səhvlərimiz üzərində işləyəcəyik. Qələbə bizim üçün çox vacib idi.
- Rəhim Sadıxovun start heyətində meydana çıxması nə dərəcədə doğrudur?
- Rəhim yaxşı məşqlər etmişdi. Ümumiyyətlə, keçən oyunda da yaxşı çıxış etmişdi, ona görə də, seçimimiz onun üzərində oldu.
