Bu gün dünya futbolunun canlı əfsanəsi, Braziliyanın ulduz futbolçusu Pelenin (Edson Arantes do Nascimento) anadan olmasından 81 il ötür.
İdman.Biz xəbər verir ki, futbol karyerası ərzində 1 279 qol vuran Pele Ginnesin Rekordlar Kitabına düşüb.
O, Braziliya milli komandası ilə üç dəfə Dünya Kubokunu qazanmış ilk və yeganə futbolçudur. Pele 15 yaşında milli komandaya qoşulub, 17 yaşında isə 1958-ci ilin Dünya Kubokunun yarımfinalında Fransa qarşısında het-trik etmişdi.
Klub karyerasının əksəriyyətini Santos FC-də keçirən futbolçu iki Copa Libertadores və bir çox ölkə çempionluğu qazanıb. 1975-ci ildə ABŞ-nin New York Cosmos komandasında oynayaraq ölkədə futbolun populyarlığının artmasına töhfə verib. FIFA tərəfindən 20-ci əsrin ən yaxşı futbolçusu seçilən Pele, Diego Maradona ilə birlikdə “Century Player” mükafatına layiq görülüb. Onun oyun tərzi, sürəti və texnikası bir çox nəsillərə nümunə olub, dünya futbolunun inkişafına böyük təsir göstərib.
Qeyd edək ki, Pele 29 dekabr 2022-ci ildə vəfat edib.
