"Hər şey əladır, ötən gün Nicat Abasov Dünya Kubokunda üçüncü yer uğrunda baş tutan ilk oyun günündə möhtəşəm qələbə qələbə qazanıb. Düşünürəm ki, Nicat məsələni bu gün həll edəcək".
Bu sözləri Azərbaycan şahmatçısı Rauf Məmmədov Bakıda təşkil olunan Dünya Kubokunun ikinci final görüşündə Nicat Abbasovun 3-cü yer uğrunda Fabiano Karuanaya qarşı keçirdiyi ikinci oyunundan öncə danışarkən deyib.
"Fabiano Karuana dünya reytinqində ikinci olsa da bu amil Nicatı qorxutmadı, əksinə, Nicat olduqca peşəkar oyun nümayiş etdirərək Karuanaya gözəl oyunla qalib gəldi. İnanıram ki, bu gün heç-heçə də etsə kifayət edir ki, dünya üçüncüsü olsun. Mən belə başa düşurəm ki, Fabiano Karuana hələ özünə gəlməyib. İnanıram ki, Nicat qalib gələrək azarkeşlərimizi sevindirəcək".
Ağa Dadaşzadə
İdman.biz
