Düsseldorfda komandalararası sürətli şahmat üzrə dünya çempionatı keçirilir.
İdman.biz-in məlumatına görə, 12 turda İsveçrə sistemi ilə burada 37 komanda iştirak edir.
Hindistanın MGD1 komandasının rənglərini qoruyan Azərbaycan şahmatçısı Günay Məmmədzadə də Dünya Kubokunda mübarizə aparır. Altı turdan sonra komanda 11 xalla üçüncü pillədə qərarlaşıb.
Məmmədzadə MGD1 komandasının iki qalibiyyət oyununda iştirak edərək ümumi nəticəyə öz payını qatıb. Əvvəlcə o, Almaniyanın gənclər yığmasından Karolin Qreşelə qalib gəlib, daha sonra Düsseldorf Şahmat Klubundan amerikalı Anna Zatonskixlə bərabərə qalıb.
Rapid üzrə dünya çempionatında iştirak edən komandaların qarşıda daha üç turu var.
Nicat Zəkiyev
İdman.biz
