Peşəkar boksda 3 çəki dərəcəsində məğlub olmayan dünya çempionu olan amerikalı Cervonta Devis (29-0, 27 KO) islam dinini qəbul edib.
İdman.biz xəbər verir ki, bununla bağlı üç çəki dərəcəsində keçmiş dünya çempionu Badu Cek paylaşım edib.
O bildirib ki, Devis artıq müsəlmandır.
28 yaşılı Cervonta peşəkar rinqdə 2013-cü ildə debüt edib. O, 2017-ci ilin yanvarında (59) IBF titulunu qazanaraq ilk dəfə dünya çempionu olub.
2019-cu ilin dekabrında Devis məşhur kubalı Yuriorkis Qamboanı rinqdə vaxtından əvvəl məğlub edərək yüngül çəkidə - 61,2 kq-da WBA çempionu adını qazanıb. 2021-ci ilin iyununda isə 63,5 kq-da WBA tituluna yiyələnib.
Bu ilin apreldə keçirdiyi son döyüşdə Devis ulduz həmyerlisi Rayan Qarsiyanı nokaut edib.
İdman.biz
