Çimərlik voleybolu üzrə Azərbaycan çempionatının qalibləri müəyyənləşəcək.
İdman.biz xəbər verir ki, yarışın son günündə medallar uğrunda qarşılaşmalar baş tutacaq.
Kişilərin finalında “Azərreyl-3” və “Azərreyl-1” çempionluq üçün mübarizə aparacaq. “Şəmkir” və “Azərreyl-2” isə bürünc uğrunda matçda üz-üzə gələcək.
Qadınlar arasında turnirin həlledici oyununda “Azərreyl-1” və “Murov Az Terminal”la qarşılaşacaq. Üçüncü yer uğrunda görüşdə isə “Azərreyl-2” və “Milli Aviasiya Akademiyası” komandaları mübarizə aparacaq.
Qeyd edək ki, çempionat Su İdmanı Mərkəzində keçirilir. Qaliblər klublararası Avropa çempionatına vəsiqə qazanacaqlar.
İdman.biz
