Bu gün çimərlik voleybolu üzrə Azərbaycan çempionatının sonuncu mərhələsi start götürüb.
Azərbaycan Voleybol Federasiyasından İdman.biz-a verilən məlumata görə, "Heydər Əliyev İli" çərçivəsində təşkil olunan yarışın üçüncü turu təsnifat mərhələsindən başlayıb. Yarışda ümumilikdə 100 idmançı iştirak edir.
Təsnifat mərhələsində yalnız kişi voleybolçular çıxış ediblər. Bu mərhələnin yekununda 8 cüt əsas mərhələyə yüksəlib. 15 kişi komandası isə həlledici etapda mübarizəyə qoşulacaq.
Olimpiya sistemi ilə keçirilən çempionatın ilk günü həm təsnifat oyunları, həm də əsas mərhələnin görüşləri baş tutub. Su İdmanı Sarayında təşkil olunan yarış 4 meydançada keçirilir, yarışın qalibləri sentyabrın 3-də müəyyən olunacaq.
Qeyd edək ki, çempionatın ilk mərhələsi 24-27 iyun, II mərhələ isə 29 iyul-1 avqust tarixlərində keçirilib.
İdman.biz
