Qadın basketbolçulardan ibarət Azərbaycan yığması 2029-cu ildə keçiriləcək Avropa çempionatının seçmə mərhələsində bu gün növbəti sınağına çıxacaq.
İdman.Biz xəbər verir ki, millimiz üçüncü tur çərçivəsində İslandiya komandası ilə səfərdə qarşılaşacaq.
Görüş Bakı vaxtı ilə saat 23:30-da başlayacaq.
Azərbaycan millisi qrupun lideri ilə qarşılaşacaq. İslandiya yığması iki oyundan dörd xal toplayaraq A qrupunda birinci, Azərbaycan isə xalsız sonuncu – dördüncü pillədə qərarlaşıb.
Qeyd edək ki, komandamız əvvəlki turlarda İrlandiyaya 73:91, İsveçrəyə isə 33:84 hesabı ilə məğlub olub.
