İdman Arbitraj Məhkəməsi (CAS) futbolçu Bəhlul Mustafazadənin transferi ilə bağlı “Sabah” və Birləşmiş Ərəb Əmirliklərinin “Əl-Əyn” klubu arasında olan mübahisəli məsələ ilə bağlı qərar verib.
Bakı klubunun mətbuat xidmətindən İdman.biz-a verilən məlumata görə, CAS “Əl-Əyn”in şikayətini təmin etməyərək, FIFA-nın daha öncə “Sabah”ın xeyrinə qəbul etdiyi qərarı qüvvədə saxlayıb.
Qərarda “Əl-Əyn” klubunun 2021-ci ildə bağlanmış müqaviləyə əsasən, Bəhlul Mustafazadənin transferi üçün nəzərdə tutulmuş məbləği “Sabah” komandasına ödəməli olması qeyd edilib.
İdman.biz
