Türkiyə 1-ci Liqasının 26-cı turu azərbaycanlı futbolçuların dueli ilə yadda qalıb.
İdman.biz xəbər verir ki, Ramil Şeydayevin çıxış etdiyi “Kocaelispor” Bəxtiyar Həsənəlizadənin formasını geyindiyi “Tuzlaspor”u qonaq edib.
Qarşılaşma ev sahiblərinin 1:2 hesablı məğlubiyyəti ilə yekunlaşıb. Həsənəlizadə 90 dəqiqə meydanda olub.
Şeydayevin klubu isə ardıcıl 5-ci oyunda qələbə qazanmayıb. Meydana 84-cü dəqiqədə daxil olan Ramil “Kocaelispor”u məğlubiyyətdən xilas edə bilməyib.
Qeyd edək ki, “Kocaelispor” 45 xalla 3-cü, “Tuzlaspor” isə 27 xalla 14-cü pillədə yer alıb.
İdman.biz
