Azərbaycanlı futbolçunun çıxış etdiyi "Eqnatiya" Albaniya çempionatında uduzub.
İdman.biz xəbər verir ki, Vüsal İsgəndərlinin komandası öz meydanında 0:5 hesabı ilə məğlub olub.
"Tirana" ilə oyun Albaniya çempionatının 18-ci turuna təsadüf edib. Oyunun favoriti "Eqnatiya" hesab olunsa da, komandanın azlıqda qalması rəqibin qələbə qazanmasında böyük rol oynayıb.
Start heyətində meydana çıxan Vüsal 73-cü dəqiqədə əvəzlənib. Məğlubiyyətə baxmayaraq, İsgəndərlinin komandası 37 xalla liderliyini qoruyub.
Qeyd edək ki, "Eqnatiya" növbəti turda öz meydanında "Skenderbeu" ilə yanvarın 13-də qarşılaşacaq.
İdman.biz