“Neftçi”nin prezidenti Fərrux Mahmudov Premyer Liqanın 18-ci turunda “Kəpəz”lə (2:0) oyundan sonra mətbuat konfransına qatılıb.
İdman.biz xəbər verir ki, funksioner yeni baş məşqçiləri monteneqrolu Miodraq Bojoviçi təqdim edib, rumıniyalı Adrian Mutunun gedişinə aydınlıq gətirib.
- İlk dəfədir ki, ani təqdimat olur. Tələskənlikdəndir, yoxsa şəffaflıq?
- Təbii ki, şəffaflıqdır. Miodroq Bojoviç Bakıdadır. İstəyirdik ki, bunu hamı bilsin.
- Baş məşqçinin qarşısına hansı hədəf qoyulub?
- Hədəf ölkə kubokunu qazanmaq və minimum ikinci yeri tutmaqdır.
- Adrian Mutu ilə yolların ayrılmasında nə həlledici rol oynadı?
- Qarşılıqlı fikir belə oldu. Mutunun anasını dünyası dəyişmişdi. Getməmişdən əvvəl onunla müzakirə etdik. Eyni fikrə gəldik ki, yeni baş məşqçi gəlsə, daha yaxşıdır.
- Namizədlər siyahısında yerli baş məşqçinin adı var idi?
- Xeyr, yox idi.
İdman.biz
