“Qarabağ”ın baş məşqçisi Qurban Qurbanov futbolçularının “Liverpul”la matçda ən yaxşı oyunlarından birini göstərəcəklərinə inanır.
İdman.Biz xəbər verir ki, təcrübəli mütəxəssis bunu “Qarabağ”ın UEFA Çempionlar Liqasının əsas mərhələsinin 8-ci turunda “Liverpul”a qarşı keçirəcəyi oyundan öncə mətbuat konfransında deyib.
Baş məşqçi onları maraqlı qarşılaşmanın gözlədiyini bildirib.
“Əsas mərhələnin son oyununa çıxırıq. Möhtəşəm stadionda və möhtəşəm azarkeşlər qarşısında çıxış edəcəyik. “Liverpul”un heyətində olan futbolçular hər zaman qələbəyə istəklidirlər. Çox istəyirik ki, İngiltərədə yaxşı oyun sərgiləyək. İnanıram ki, futbolçularım sabah ən yaxşı oyunlarından birini göstərəcəklər”, - Qurbanov deyib.
“Liverpul” – “Qarabağ” oyunu yanvarın 28-dən 29-na keçən gecə baş tutacaq. Matç Bakı vaxtı ilə saat 00:00-da start götürəcək.
