"Atletiko" Antuan Qrizmannla müqaviləni yeniləyib.
İdman.biz xəbər verir ki, bu barədə Madrid klubunun mətbuat xidməti məlumat yayıb.
Fransalı futbolçu ilə yeni razılaşma 2027-ci il iyunun sonuna kimi nəzərdə tutulub. Antuanın "Atletiko" karyerası 2014/2015 mövsümündə start götürüb. O, qısa müddətə "Barselona"da çıxış etsə də, yenidə Madridə dönüb.
Qeyd edək ki, başa çatmış mövsümdə Qrizmann 53 oyunda 16 qol və 9 ötürmə ilə yadda qalıb. O, 197 qolla klub tarixinin ən sərrast futbolçusudur.
İdman.biz
