21 yaşadək futbolçulardan ibarət Azərbaycan millisi təlim-məşq toplanışı çərçivəsində bu gün ilk yoxlama görüşünə çıxıb.
İdman.biz xəbər verir ki, Ayxan Abbasovun baş məşqçisi olduğu komanda səfərdə Belarusun U-21 yığması ilə qarşılaşıb.
Oyuna yaxşı başlayan millimiz hesabı açıb. Amma meydan sahibləri birinci hissənin sonuna kimi müdafiəçilər və qapıçımızın səhvlərindən istifadə edərək, önə keçiblər. Fasilədən sonra daha bir qol vuran rəqib komanda 3:1 hesabı ilə qalib gəlib.
Azərbaycan yığması yeni baş məşqçi Ayxan Abbasovun rəhbərliyi ilə ilk məğlubiyyətini alıb. Millimizin təcrübəli mütəxəssisin rəhbərliyi ilə Moldovanı məğlub edib (2:0), Şimali Makdeoniya ilə heç-heçə oynamışdı (0:0).
Yoxlama oyunu
4 iyun
20:00. Azərbaycan (U-21) – Belarus (U-21) - 1:3
Qollar: Raul Məmmədov, 22 - Myalkovskiy, 38. Tsepenkov, 41. Denisyuk, 50
Baranoviçi şəhər stadionu
Qeyd edək ki, mayın 26-dan təlim-məşq toplanışında olan U-21 hazırlıq çərçivəsində iyunun 8-də Mehdi Hüseynzadə adına Sumqayıt şəhər stadionunda Monteneqronun gənclər yığması ilə gücünü sınayacaq.
İdman.biz
