"Barselona" La Liqanın 6-cı turunun oyununda evdə "Selta" üzərində qələbə qazanıb - 3:2. Beləliklə, Kataloniya klubu ümumilikdə 21:6 hesabı ilə ardıcıl altı qələbə qazanıb.
Son bir ayda "Barselona" La Liqada "Kadis" (2:0), "Vilyarreal" (4:3), "Osasuna" (2:1) və "Betis"i (5:0) məğlub edib. Xavinin komandası bu həftə Çempionlar Liqasının açılış matçında da "Antverpen" üzərində qələbə qazanıb - 5:0.
"Barselona" növbəti oyununu çərşənbə günü, sentyabrın 27-də keçirəcək. Xavinin komandası İspaniya çempionatında səfərdə "Malyorka" ilə qarşılaşacaq. Oyun saat 23:30-da başlayacaq.
Xatırladaq ki, ötən mövsüm “Barselona” “Real”ı 10 xal qabaqlayaraq La Liqanın qalibi olub. Kataloniyalılar Çempionlar Liqasında uğursuz çıxış ediblər - komanda "Bavariya", "İnter" və Çexiya "Viktoriya"sının çıxış etdiyi qrupdan çıxa bilmədi.
İdman.biz
