İtaliyanın “Sassuolo” futbol komandası A Seriyasının dördüncü turunda Turin “Yuventus”unu qəbul edib.
İdman.Biz xəbər verir ki, “Mapei - Çitta del Trikolore” stadionunda keçirilən qarşılaşma meydan sahiblərinin 3:2 hesablı qələbəsi ilə başa çatıb.
Matçda hesab 65-ci dəqiqədə açılıb. Sebastiano Espozito “Sassuolo”nu önə keçirib. 82-ci dəqiqədə Edon Jeqrova “Yuventus”un bərabərlik qolunu vurub.
89-cu dəqiqədə Kieron Boui meydan sahiblərini yenidən hesabda önə çıxarıb. Lakin “Yuventus” dərhal cavab verib və 90-cı dəqiqədə Jeqrova ikinci dəfə fərqlənərək dublunu rəsmiləşdirib - 2:2.
Dramatik finalda son sözü “Sassuolo” deyib. 90+4-cü dəqiqədə Vasiliye Adjiç qol vuraraq komandasına 3:2 hesablı qələbə qazandırıb.
Qeyd edək ki, bu qələbədən sonra “Sassuolo” xallarının sayını yeddiyə çatdırıb. “Yuventus” da yeddi xalda qalıb.
22:03
“Napoli” futbol komandası A Seriyasının dördüncü turunda “Bolonya”nı qəbul edib.
İdman.Biz xəbər verir ki, qarşılaşma meydan sahiblərinin 1:0 hesablı qələbəsi ilə başa çatıb.
İlk hissədə təşəbbüsə daha çox sahib olan “Napoli” bir neçə təhlükəli vəziyyət yaratsa da, hesabı aça bilməyib.
Neapollular ikinci hissədə istəyinə çatıb. Stanislav Lobotka Kostantino Favazulinin ötürməsindən sonra fərqlənərək komandasını önə keçirib.
Bundan sonra “Napoli” üstünlüyünü artırmağa çalışsa da, “Bolonya”nın müdafiəsi əlavə qola imkan verməyib.
Qeyd edək ki, bu qələbədən sonra “Napoli” xallarının sayını altıya çatdırıb və turnir cədvəlində doqquzuncu pillədə qərarlaşıb. “Bolonya” isə bir xalla 18-ci yerdədir.
19:11
İtaliyanın “Leççe” futbol komandası A Seriyasında “Monza”nı qəbul edib.
İdman.Biz xəbər verir ki, qarşılaşma meydan sahiblərinin 3:2 hesablı qələbəsi ilə başa çatıb.
“Leççe” oyuna sürətli başlayıb və üçüncü dəqiqədə hesabı açıb. İvan İliçin ötürməsindən sonra Lassana Kulibali fərqlənib.
Çox keçmədən Tyaqo Qabriel meydan sahiblərinin üstünlüyünü iki topa çatdırıb. “Monza” 20-ci dəqiqədə Rikardu Manqaşın qolu ilə fərqi minimuma endirib.
Lakin “Leççe” dərhal cavab verib. Kulibali ikinci qolunu vuraraq dubl müəllifi olub və hesabı 3:1 edib.
Matçın sonlarına yaxın Esekyel Sebalyos “Monza”nın ikinci qolunu vursa da, qonaqlar məğlubiyyətdən xilas ola bilməyiblər.
