İspaniya millisinin futbolçusu Lamin Yamal Millətlər Liqasının birinci turunda İngiltərə üzərində qazanılan qələbəni (3:2) və vurduğu qolu şərh edib.
İdman.Biz xəbər verir ki, “Uembli” stadionunda keçirilən görüşdə hesabı 2-ci dəqiqədə Yamal açıb.
O, “Marca”ya açıqlamasında qarşılaşma və komandanın oyun üslubu barədə danışıb:
“Erkən və ya gec hamı məğlub olur, lakin biz məğlub olanlar arasında olmamağa çalışırıq. Bu stadionda oynamaq çox çətindir. Məşqçi bizdən fəal presinq tələb edir. Mən həmişə komandaya kömək etmək istədiyimi deyirəm. Hərdən diqqətimi itirirəm, lakin elə də olur ki, topu ələ keçirirəm, təkbətək çıxıram və qol vururam”.
Yamal sözlərinə belə davam edib: “Deyə bilmərik ki, topsuz oyunda özümüzü xüsusilə rahat hiss edirik, lakin topun rəqibdə olması bizi narahat etmir. Biz sürətli komandayıq və əks-hücumlarda oynamağın əleyhinə deyilik. Hər matçda öz rolunu anlamaq və bundan maksimum faydalanmaq lazımdır”.
