Bundesliqa: “Borussiya” “Ştutqart”a qalib gəldi, “Hamburq” “Köln”ü məğlub etdi - YENİLƏNİB + VİDEO

20 Sentyabr 2026 09:14
949
Bundesliqa: “Borussiya” “Ştutqart”a qalib gəldi, “Hamburq” “Köln”ü məğlub etdi - YENİLƏNİB + VİDEO

Dortmund “Borussiya”sı Almaniya çempionatının dördüncü turunun oyununda səfərdə “Ştutqart”a 1:0 hesabı ilə qalib gəlib.

İdman.Biz xəbər verir ki, 70-ci dəqiqədə Maksimilian Bayer qol vurub. Ona Cob Bellinqem məhsuldar ötürmə verib.

“Borussiya” 12 xal toplayıb. Komanda çempionatın startında keçirdiyi dörd oyunun hamısında qələbə qazanıb və turnir cədvəlinə liderlik edir. “Ştutqart” 3 xalla 14-cü pillədədir.

20:19

Almaniya Bundesliqasının dördüncü turunda “Borussiya” Münhenqladbax doğma meydanda “Maynts”a 3:4 hesabı ilə uduzub.

İdman.Biz xəbər verir ki, qonaqların heyətində Fillip Tits, Şeraldo Bekker, Erik Martel və Danni da Kosta, meydan sahiblərində isə Florian Noyhaus, İsak Lidberq və Syuto Matino fərqləniblər.

Bu, Qladbax “Borussiya”sının mövsümə ardıcıl dördüncü məğlubiyyətidir. Komanda 0 xalla turnir cədvəlinin sonuncu pilləsində qərarlaşıb. “Maynts” isə 7 xalla beşinci sıraya yüksəlib.

Paralel keçən oyunlarda “Ayntraxt” “Frayburq”la 2:2 hesablı heç-heçə edib, “Verder” “Auqsburq”u 3:2, “Hamburq” isə “Köln”ü 2:1 hesabı ilə məğlub edib.

İdman.Biz