Türkiyə Super Liqasının beşinci turunda iki qarşılaşma baş tutub.
İdman.Biz xəbər verir ki, “Çorum” səfərdə “Samsunspor”u 5:1 hesabı ilə məğlub edib.
Qonaqların heyətində Cengiz Ünder dubl edib. Jesus Ramirez də iki dəfə fərqlənib. “Çorum FK”nın digər qolunu Aleksandros Kiziridis vurub. “Samsunspor”un yeganə qolunun müəllifi isə Logi Tomasson olub.
Digər matçda “Rizespor” səfərdə “Eyüpspor”u 2:0 hesabı ilə məğlub edib.
Bu nəticədən sonra “Rizespor” 9 xalla turnir cədvəlinin dördüncü pilləsində qərarlaşıb. “Çorum FK” isə 7 xalla yeddinci sıraya yüksəlib. “Samsunspor” 4 xalla 14-cü, “Eyüpspor” isə 3 xalla 17-cidir.
