“Barselona” 18 yaşlı Hamza Abdelkarimlə müqaviləni uzadıb

İspaniyanın “Barselona” futbol klubu hücumçu Hamza Abdelkarimlə müqaviləni uzadıb.

İdman.Biz xəbər verir ki, Misir millisinin 18 yaşlı futbolçusunun Kataloniya klubu ilə yeni müqaviləsi 2030-cu il iyunun 30-dək qüvvədə olacaq.

Abdelkarim 2026-cı ilin fevralında mövsümün sonunadək icarə əsasında “Barselona”ya qoşulub. Yayda isə klub futbolçunun transferini rəsmiləşdirib.

Misirli hücumçu əsas komanda ilə mövsümöncəsi hazırlıq keçib. O, 4 qol vuraraq “Barselona”nın hazırlıq matçlarındakı ən məhsuldar futbolçusu olub.

Abdelkarim avqustun 31-də “Rayo Valyekano” ilə görüşdə əvəzlənərək meydana daxil olub və “Barselona”nın heyətində rəsmi debütünü edib.