Türkiyənin “Kocaelispor” klubunun baş məşqçisi Ərtuğrul Sağlam yeni transferlərlə bağlı açıqlama verib.
İdman.biz xəbər verir ki, 1-ci Liqa təmsilçisinin çalışdırıcısı qış fasiləsində rənglərinə bağladıqları Azərbaycan millisinin futbolçusu Ramil Şeydayevin fiziki durumundan tam razı deyil.
Təcrübəli mütəxəssis qısa zamanda bu problemin aradan qalxacağına inam ifadə edib: “Yeni transferlərdən Şeydayevlə yanaşı, Duhan Aksu fiziki durumları tam qaydasında deyil. Duhan bir az geridədir, amma bu çatışmazlıqlar yavaş-yavaş aradan qaldırılır. Onlar icazəli olduqları müddətdə də çalışıblar və qısa zamanda komandaya qoşulub bizə kömək edəcəklər”.
Qeyd edək ki, “Kocaelispor” 19 turdan sonra 36 xalla turnir cədvəlində üçüncüdür.
İdman.biz
