Dortmundun “Borussiya” futbol klubu “Arsenal”ın yarımmüdafiəçisi İtan Nvanerini icarəyə götürüb.
İdman.Biz xəbər verir ki, bu barədə Almaniya klubunun mətbuat xidməti məlumat yayıb.
İcarə müqaviləsi 2026/27 mövsümünün sonuna qədər nəzərdə tutulub. Razılaşmada futbolçunun satınalma hüququ yer almayıb. Məlumata görə, “Borussiya” Nvanerinin icarəsi üçün “Arsenal”a 5 milyon avro (10 milyon manat) ödəyəcək.
“Arsenal” yetirməsi olan 19 yaşlı ingiltərəli futbolçu 2025/26 mövsümünün ikinci yarısını “Marsel”də keçirib. O, Fransa klubunun heyətində 11 matçda 2 qol və 1 məhsuldar ötürmə ilə yadda qalıb.
