Fransanın PSJ futbol komandası Liqa 1-in ilk turunda səfərdə “Renn”lə 2:2 hesablı heç-heçə edib.
İdman.Biz xəbər verir ki, “Roazon Park” stadionunda keçirilən görüşdə hesab doqquzuncu dəqiqədə açılıb. Sebastyan Şimanski “Renn”i önə keçirib. 38-ci dəqiqədə Esteban Lepol fərqi iki topa çatdırıb.
View this post on Instagram
PSJ ikinci hissədə geridönüş etməyi bacarıb. Ferran Torres 71-ci dəqiqədə fərqi azaldıb, 82-ci dəqiqədə isə ikinci qolunu vuraraq yekun hesabı müəyyənləşdirib - 2:2.
PSJ növbəti turda avqustun 28-də səfərdə “Lill”lə qarşılaşacaq. “Renn” isə avqustun 30-da “Le-Man”ı qəbul edəcək.
21:35
Fransanın “Monako” futbol komandası Liqa 1-in ilk turunda səfərdə “Havr”la qarşılaşıb.
İdman.Biz xəbər verir ki, “Osean” stadionunda keçirilən görüş qonaqların 1:0 hesablı qələbəsi ilə başa çatıb.
Matçın yeganə qolunu 14-cü dəqiqədə “Monako”nun müdafiəçisi Erik Dayer vurub.
“Monako” növbəti turda avqustun 30-da “Marsel”i qəbul edəcək. “Havr” isə bir gün əvvəl səfərdə “Lion”la qarşılaşacaq.
19:30
Fransanın “Lill” futbol komandası Liqa 1-in 2026/27 mövsümünə qələbə ilə başlayıb.
İdman.Biz xəbər verir ki, Davide Ançelottinin komandası ilk turda səfərdə “Anje” ilə qarşılaşıb və 2:0 hesabı ilə qalib gəlib. Görüş “Raymond Kopa” stadionunda keçirilib.
Hesab 11-ci dəqiqədə açılıb. Nabil Bentalebin ötürməsindən sonra Olivye Jiru topu rəqib qapısından keçirib. “Lill” 31-ci dəqiqədə üstünlüyünü artırıb. Bu dəfə Tyaqo Santoş fərqlənib. Beləliklə, qonaqlar fasiləyə iki top üstünlüklə yollanıblar.
İkinci hissədə “Anje” oyunun gedişini dəyişməyə çalışsa da, “Lill” müdafiədə üstünlüyünü qoruyaraq qarşılaşmanı 2:0 hesablı qələbə ilə başa vurub.
