Qapıçı Mik Menyan “Milan”la müqaviləsini uzadıb. Bu barədə İtaliya klubunun rəsmi saytı məlumat yayıb.
İdman.Biz xəbər verir ki, futbolçunun “rossoneri” ilə yeni müqaviləsi 2031-ci ilin yayına qədərdir. Bu mövsüm fransız qapıçı Milan klubunda bütün yarışlarda 25 oyunda meydana çıxıb və 11 dəfə qapısını toxunulmaz saxlayıb.
Transfermarkt onun dəyərini 25 milyon avro qiymətləndirir.
Qolkiper 2021-ci ildən bəri İtaliya klubundadır. O, “Milan”da 188 oyun keçirib ki, bunlardan 70-i qapısını toxunulmaz saxlayıb. Menyan klubla İtaliya çempionluğunu və İtaliya Superkubokunu qazanıb.
