Kataloniya klubunun rəhbərliyi “Mançester Yunayted”dən icarəyə götürülmüş hücumçunu almaq seçimindən istifadə etmək niyyətindədir. Belə olacağı təqdirdə, mankunianlar 30 milyon avro alacaqlar.
İdman.Biz “Mundo Deportivo”nun məlumatına istinadla bildirir ki, Reşford heyətdəki ən yaxşı oyunçulardan biri hesab olunur.
O, özünü sübut edib və komandanın keyfiyyətini artırır. Məşqçilər heyəti həmçinin ingilis futbolçunun müxtəlif mövqelərdə oynamaq qabiliyyətini yüksək qiymətləndirirlər.
Bu mövsüm Reşford La Liqada 18 oyun keçirib, iki qol vurub və 6 məhsuldar ötürmə edib.
